Dear Noy Kulas,
Maayong adlaw. Ako si Jia, 33 years old, single, wala pay boyfriend since early 20s nako. Dili lang gyud ko ganahan og relationship based sa akong last experience nga dili maayo. Sa high school pa ko, duna koy boyfriend. More than a year mi ato but nagkabuwag mi human namo og gra-duate.
Sa college, naka-boyfriend ko og lain but short ra kay dili ko ganahan kay very agressive. Mag-away mi pirme kay dili magpabalibad kon gusto na niyang kuhaon akong womanhood.
Sukad ato wala na ko ganahi mag-BF. But ang akong parents gananan gyud nga maminyo ko aron makakakita sila og apo gikan nako. Duha ra mi ka magsuon sa akong kuya. Minyo na siya pero wala pa silay anak.
Usahay ang akong papa mahubog kasab-an ko kay nganong wala pa koy BF aron maminyo ko ug makaapo sila. Wala kunoy ayo mag-stay single ko ug way anak.
Usahay mao na ang cause sa ilang away ni Mama kay sakit ra manulti kon makainom ang akong papa. Unsa may akong buhaton?
JIA
Jia,
Way parents nga makapugos sa ilang anak nga magminyo. Katungod na sa anak unsay iyang pilion nga kinabuhi, magminyo o stay single for life. Ang iya lang hinuong punto ni Papa nimo nga magminyo aron sila makakita og apo gikan nimo o liwat gikan nimo. But unfortunately dili man tanan gaminyo nakaanak.
Dili garantlya nga ang magminyo makaanak. Kadaghan sa magtiayon way anak.
Duna say mga babaye nga wala nagminyo apan nakaanak pinaagi sa live-in o outside marriage but I am not encouraging you kay daghan sa dili ganahan magminyo, dili sab ganahan makaanak. Ayaw lang idibdib ang mga pulong sa imong amahan kon gusto gyud kang dili magminyo. Hayan iya nang gibuhat aron mapugos ka pagminyo.
Wala siya kakita sa problema nga unsaon nimo pagminyo nga dili ka man ganahan makarelasyon ug magminyo. Live your life in the future nga ganahan ka. Sa ako nang giingon dili ka mapugos.
NOY KULAS
rojval69@yahoo.com