Dear Noy Kulas,
Itago lang ko sa alyas nga Fern, 29 years old. Single pa ko pero minyuonon na unta.
Unta kay nag-doubt na ko ipadayon pa ba ni. Three years na mi sa akong boyfriend so naka-decide mi to settle down na this year. But akoang na-discover nga duna diay siyay anak nga usa kabuok.
Ang inahan iyang live-in partner kaniadto. Nalain ko kay wala siya nisulti nako nga naa siyay live-in kaniadto ug duna silay anak.
Ang nisulti na nako mao ang akong cousin nga friend sa iyang friend.
Dihang nangutana ko niya kon tinuod ba, niangkon siya nga tinuod. Gisakitan ko kay nagmata ra ko og morning. Ni-explain siya nako nga wala siya nisulti kay basin dili nako siya sugton ug biyaan nako siya.
But nagplano na kuno siya nga motug-an nako. Naunhan lang kuno siya. Motuo kaha ko niya? Until now wala pa ko nakig-meet ug ni-communicate niya.
Ako siyang gi-block human ko nakig-cool off niya. Sakto ba ang akong gihimo? Ipadayon pa ba nako ang kasal namo?
FERN
Fern,
Sakto ra man ang imong gibuhat kay dishonest man siya. Dili gyud na mao nga rason nga wala siya nisulti nimo sa tinuod kay nahadlok siyang dili sugton ug buwagan nimo. Sa pagsulod sa relasyon, gikinahanglan gyud ang honesty sa matag usa. Dili man tuod ka kabahin sa kagahapon apan mas maayo nga nahibawo ka kinsa siya o unsay iyang kagahapon.
Samtang nag-cool off mo, pagkuha og dugang inpormasyon kabahin sa iyang pagkatawo. I mean pag-background check niya kay basin naa pa na siyay lain kaniadto o nature na niya nga playboy.
Usahay ra ba sa grabeng kompyansa ug pagsalig, dili na lang ta mag-verify sa pagkatawo.
Kon unsa man ang imong na gather nga inpormasyon, kini ang imong basehan sa imong hukom kon magminyo ba mo o dili.
Timan-i kanunay nga duna siyay anak nga need niyang sustentuhan ug suportahan. Kaya mo ba sab ning dawaton?
NOY KULAS
rojval69@yahoo.com