Tambagi ko Noy Kulas: Mibalhin sa babaye
Dear Noy Kulas,
Kining akong problema complicated. I-hide lang ko sa ngan nga Irish, single.
Ang akong problema nagsugod ni dihang ang akong boyfriend ni-abroad. Aron di siya ma worried nga motipas ko, naglikay ko sa mga lakaw nga dunay mga lalaki. Ang akong pirme kuyog kay ang akong close friend nga babaye tan-awon pero lalaki ang feeling. Diha na ko nakahibawo unsa siya dihang nagka close na mi. Ambot naganahan na ko niya nga naabot nga duna na mi romantic relationship. Kami ra ang nakahibawo ani ug way nagduda tungod kay babaye lagi siya tan-awon. Bisan ang akong BF kampante kaayo niya.
Mouliay this year ang akong BF ug usa sa iyang plano mao ang pagplano sa among wedding next year. Pero unsaon man nako nga sa tinuod lang wa na koy feeling niya. Ang akong love karon mao ang akong bestfriend. Di na ko gustong mawala siya nako. Unsa kaha sultihan nako ang akong BF nga magbuwag na lang mi? Di kaha sila ma surprise sa akong decision? Please tambagi ko, Noy Kulas.
IRISH
Irish,
Ayaw lang sab pagdali-dali sa imong hukom that you might regret later. Imong pagabasulan sa kaulahian tungod kay naghari ang imong emosyon. Unya diay sayop ang imong hukom apan duna ka nay nahimong desisyon.
Basin ba tungod sa absence lang sa imong boyfriend while nahimong filler ug mao nay ni occupy na hinuon sa imong kasingkasing. But later on unyag abot sa imong BF ug magkuyog na mo og sige, diha na nimo ma realize nga buhi pa diay kaayo ang imong feeling alang niya. So, ayaw una pagdali.
For the meantime, kuhai og anam ang time uban sa imong amiga for the sake sa imong BF. I am pretty sure nga part sa inyong future ang iyang pag abroad. Nangandam ni siya alang sa inyong kaugmaon. Ug grabe ang kasakit nga iyang bation nga mahulog na lang unya nga way kapuslanan ang tanan. Pinaagi sa pag anam anam og palayo nimo sa imong amiga, although mag struggle ka, mahatagan sab og justice ang pagpaninguha sa imong BF alang kaninyo.
NOY KULAS
rojval69@yahoo.com