Tambagi ko Noy Kulas: Mobiya o di?

SunStar Tambagi ko Noy Kulas
SunStar Tambagi ko Noy Kulas

Dear Noy Kulas,

Maayong adlaw. Itago lang ko sa ngan nga Emma. Ang akong problema mao ang among relasyon ug estado pagpuyo sa akong live-in partner. Kapin na mi sa napulo ka tuig nga nagpuyo ug duna na mi mga anak.

Sa mao nga kadugayon, wa pa mi makasal ug kon ako nga hisgutan ang parte sa kasal, di siya mohisgot. Gawas lang hinuon niini, as a father sa among mga anak, maayo kaayo siya. In fact, mas close niya ang among mga anak kay nako. Apan taudtaud na mi nga way tingganay ug tagdanay. Bisan gani mag PM ko sa Messenger, i-seen ra ang akong messages. Ang amo sab nga mga anak as if wa kaayo silay pakialam nako.

Moangkon ko nga mas duna silay time nga mag-bonding ug ako di kaayo hilig ana. Mas ganahan ko mag-read og books ug di kaayo nako trip ang makig-estorya og tawo o naay daghang mga tawo. Tingali mga tulo lang ka oras ang labing dugay. Usahay di ko ganahan nga motingog o motagad.

Karon, naghuna-huna ko kon unsay nakong buhaton kay as if wa may padulngan ang among relasyon. Ikaw, Noy Kulas, maayo kaha nga molingkawas ko sa among pagpuyo? Di kaha malain ang mga bata nako kon ako ning buhaton? Apan hangtod kanus-a man ko maghuwat nga matunhay ang among panag-uban? Please tambagi ko.

EMMA

Emma,

Wa na diay moy tingganay sa imong partner dugaydugay na. Hayan tungod na sa wa kaayo kay time uban nila, labina sa bonding moments unta ninyo. Gikan sa gagmay nga away nga way tingganay hangtod nga nitaas ang time sa wa na gyuy tagdanay.

Try, di lang ka usa, kaduha, katulo o several times sa pag-communicate sa imong partner ug mga bata. Kon di gyud sila, pasagdahi lang. Ipadayon ang imong naandan nga routine kada adlaw. Plan your life’s future but iapil nimo ang imong mga anak kay imoha man gyud na sila bisan closer sila sa ilang amahan tungod kay mas dako siya og time nila kay nimo.

Kon mobiya ka, unsa man, ready ka sa consequence sa emotional impact sa mga bata? Kon closer sila sa ilang amahan, mosamot nga mas ma close sila sa ilang papa ug maglagot sila nimo. And di lang kay kana ra, hayan mas makahuna-huna sila og dautan samtang magtubo nga wa ka sa ilang palibot.

Daghan sab ang mga paagi sa pag-extend sa communication. Chat with them, apil na sa imong partner. Ipagawas kon unsa man ang nagpuot sa imong dughan kon di man sila ganahan makigsulti nimo. Express yourself as their mother, not just a woman nga nagpuyo sulod sa balay. Bahala na og i-seen ka lang.

Kon way time ang ilang papa sa pagpanuroy, ikaw ang mo-invite nila og laag? O bisan usa lang nila ang imong dad-on. If mobalibad, another time na sab ang huwata. Hangtod nga mokuyog sila nimo. O kon mahurot na ang tanang mga pamaagi sa pag-communicate nimo ug paghatag og olive branch, kon duna ka may sala ug pagkuwang, then diha ka na mohukom mobiya ka ba o di. And pag-ampo sa Ginuo for discernment and strength. But most of all, pasabta ang mga bata sa sitwasyon.

NOY KULAS

rojval69@yahoo.com

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph