Dear Noy Kulas,
I-hide lang ko sa alyas nga Megs, minyo ug dunay mga anak. Weird ning akong problema.
Kapin na sa 10 ka tuig ang among kaminyuon sa akong bana.
Naa mi mga anak. Maayo ra unta ang among kahimtang apan naguba ang akong trust human nako siya masakpi nga duna silay relasyon sa iyang kauban sa trabaho nga dunay live-in partner.
Ang akong kasakit akong giluom, wala koy kaestoryahan tungod kay maulaw kong motug-an sa ubang tawo.
Naa koy officemate nga bayot nga I trusted so much.
Siya ang akong gisumbongan sa tanan. Usahay manglaag mi aron adto ko makapahungaw.
Sa sige namong kuyog nagka-develop ang among feeling. Motuo ka o dili, niabot na mi sa kissing.
Ambot ngano ni. Mingawon na mi namong duha.
Ang akong bana wala magtagad kay nakaila siya nga bayot ang akong close friend.
Ngano kaha ni? Nalalaki kaha siya? Okay ra ba nga magkuyog mi? Anyway kissing ra man ang amoa.
MEGS
Megs,
Usahay bitaw kanang mga hitabo lisod ipasabot o lisod sabton.
Weird usahay ang dagan nga makugang ka na lang, sama anang nagkahigugmaay na tingali mo sa imong kauban nga bayot. Yes, posible kaayo na mahitabo bisan bayot siya labina physically opposite sexes man mo. In short, babaye ug lalaki.
Dili sab maingon nimo nga bayot siya kay basin bisexual siya apan wala siya nasayod niini.
So maingon tang you are creating a problem nga bunga sa laing problema. Stop going with him.
Instead, sulbara nang problema ninyong magtiayon, inay nga maglikay ka.
Ang pag-alienate nimo sa imong bana mo-complicate pa sa laing problema. Wala na moy kalainang duha.
Undanga ang panagkita and start talking sa imong bana aron mapangitaan og solution ang inyong problema.
Kissing pa na karon, apan molapas pa na nianang butanga kon dili ka molikay.
NOY KULAS
rojval69@yahoo.com