Dear Noy Kulas,
Tawga lang ko sa ngan nga Bert, minyo apan sa among five years sa akong asawa wa pa mi nakaanak. Nakahuna-huna na gani mi og pakunsulta sa doktor, but nahadlok sab mi mahibaw-an unsay cause.
Anyway, di ni maoy akong problema. Ang suliran nako mao ang recent nga incident. Nagkakita mi sa akong college girlfriend kay nibalhin na sila og puyo diri sa Cebu human namatay ang iyang bana. Naproblema ko kay ingon niya ang iyang eldest nga anak nga lalaki ako ang amahan. Gusto niya nga ipaila-ila ang bata ngari nako.
To prove iyang gipakita nako ang pictures nga haskang liwata gyud diri nako. Lahi sab ang apelyedo gidala, iyaha ang surname kay dihang nagminyo sila sa iyang bana, nanganak na sila sa iyang giingon nga among anak nga lalaki.
Ni-explain siya nga wa siya nipahibawo nako nga mabdos siya kay gipapauli siya sa iyang parents dihang nahibaw-an nilang mabdos siya.
Noy Kulas, unsa may akong buhaton? Angkunon ba nako ang bata nga liwat kaayo nako ang dagway? Unsa kahay reaction sa akong asawa kon akong pahibaw-on? Mosugot kaha ang akong asawa nga akong ilhon nga akong anak?
BERT
Bert,
Kon seguro ka nga imo gyud nang anak, why not? Anyway nahitabo na niadto mang ulitawo ka pa. Wa pa gani tingali seguro nga magka meet mo sa imong asawa niadtong mga panahuna. But sa di pa ka sab mo acknowledge nga ikaw ang amahan anang bataa, pahibaw-a ang imong asawa kay duna man sab siyay katungod nga masayod.
Usually reaction sa mga asawa basta ing-ani kay medyo isog. Ang primary nga rason kay basin dunay pagbati nga mabanhaw tali nimo ug sa imong ex. Secondary na lang nang mangigi ang asawa kay naa na siyay kailog sa imong atensyon nga di pa gyud iyang dugo. Duna say possibility nga magbunga og insecurity kay nimabdos ang imong former GF nya kamong duha wa pa gyud nakaanak. Usually maka feel ang babaye sa ingon ana.
But imoha na kanang desisyon. Para nako unfair kaayo sa bata nga di mo ilhon. Bisan na lang sa financial support kon gikinahanglan man sa bata. Ayaw lang una ipamugos sa imong misis kon di pa siya makadawat. Natural lang gyud na nga feeling sa asawa.
Aron sab maseguro, ipailawom sa DNA test aron maestablisar nga klaro nga ikaw ang amahan. Mahal sab na nga procedure but naa ra na nimo ang tanan.
NOY KULAS
rojval69@yahoo.com