Dear Noy Kulas,
Ngano kaha nga bisan unsay buhaton sa tawo, magbag-o na gani, dautan gihapon?
Itago lang ko sa ngalan nga Jun, 40 anyos. Minyo ko pero sama sa uban, nahisalaag ko sa dili maayong dalan. Nagbisyo ko sa illegal drugs. Dinhi nako na meet si Mae nga sama nako drug addict sab. Kay ginaingon man nga birds of the same feather, flock together.
Akong gibiyaan ang akong asawa ug tulo ka mga anak. Nagkuyog mi ni Mae ug nagpuyo for six years hangtod nga siya nasakit ug namatay. Salamat sa Ginuo, wala ko matakdi.
Ang iyang pagkamatay maoy nakapamata nako sa kadautan sa akong gibuhat. But wala dayon ko niuli sa amoa. Ni-avail ko sa rehabilitation nga libre while nagtrabaho. After more than a year, naulian ko ug nakig-meet sa akong asawa ug mga anak. Nalipay silang tanan but ang family sa akong asawa against kaayo.
Ni-threaten sila nga if makigbalik ang akong misis, palayason sila sa ilang gipuy-an. Unsa kahay akong buhaton?
Makigbalik ko pero palayason ang akong pamilya or ako lang una silang pasagdan? Please tambagi ko.
JUN
Jun,
As of now, if wala pa moy kapabilidad nga mangita og kapuy-an, ayaw lang una ipugos ninyo. Mahimo ra man mo nga magkita sa gawas for the meantime.
Nindot gyud unta magpuyo mo nga usa lang but naa may kasuko pa ang iyang pamilya nimo, ayaw na lang ipamugos.
Pangita mo og paagi nga makakita mo og kapuy-an nga dili makabuot ang iyang pamilya. Ikaw lang say mosabot kay dili lalim ang imong gibuhat. Sila sab tingali ni-support sa imong pamilya niadtong mga higayuna.
Magtigom mo ug tan-awon ang financial capability kon makabuhat ba mo nga maglain in the very near future.
Sakripisyo lang una samtang dili pa kaya. If makaya na, pabiyaa sila.
Imo baya nang responsibilidad isip padre de pamilya. So you plan everything. Pagsakripisyo alang sa imong pamilya.
NOY KULAS
rojval69@yahoo.com