Dear Noy Kulas,
Maayong adlaw. Ako si Leoni, 36 years old and minyo. Ten years na mi sa akong bana ug naa mi anak usa.
Sa bag-o pa ming minyo ug uyab pa mi, sweet kaayo ang akong bana. Grabe kaayo siya makaatiman nako labinag masakit ko. Magpangutana siya if nakakaon na ba ko if naa mi sa tagsa namo nga work. Dihang nanganak ko four years ago, nag-anam na siya og kausab. Panagsa na lang mangutana kon kumusta na ko. Until nga for more than a year na, kon dayoff niya, tagsa na lang siya sa balay kay toa na sa barkada. Affected ang among lovelife ug maayo na lang naay mahitabo namo once a month. Usahay once in every two months na lang gani.
Noy Kulas, lalaki man gyud ka, naa kahay lain ang akong bana? Nganong nagkabugnaw man ang iyang tinagdan diri nako? Magduda na ko nga nakakita na siya og lain. Please tambagi ko.
LEONI
Leoni,
Sagad mao nay sayop sa mga magtiayon. Magkadugay sama na lag friends. Madugayan sama na lag managsilingan ang tinagdan, hi and hello na lang. Kataw-anan usahay paminawon. Mahimong joke ang friendly na lang, di ganahan makig-away mao way mahitabo. Sagad mga lalaki ang magkabugnaw na. Naay ubang mga asawa nga sa barkada na lang mangita og outlet, suroy, makigtabi, mo chat kay ang bana kanunay wa sa balay or kon naa man gani naa ra gaatubang sa games or Netflix.
Ayaw kahadlok sa pagpakigsulti sa imong bana sa imong naobserbahan nga change instead nga imo siyang pasagdan ug magkadako na hinuon ang imong kasuko nga moabot sa point nga mangita kag shoulder to cry on nga pangdugang nimo sa friends. Instead masulbad ang problema, modako na hinuon og maayo.
Have a heart to heart talk. Hagda og laag ug bakasyon. Magtigom mong duha aron makabakasyon. Kanang moments nga kamo rang duha. Kon di gihapon siya, kana maniid na ka if naa ba siyay lain.
NOY KULAS
rojval69@yahoo.com