Dear Noy Kulas,
Usahay lisod kaayo kalimtan ang good memories bisan milabay na ang years. Mao ni ang usa sa akong kalbaryo. I-hide lang ko sa alyas nga Nenen.
Duna koy boyfriend sa college pa ko until ni-graduate ming duha. Close na kaayo ming duha ug sa among isig ka pamilya. Ni-stay siya diri sa Cebu og two years before siya naka-decide nga mouli sa ilang dapit sa Samar. Nisaad siyang mobalik, apan ako na lang nahibaw-an nga nang-aplay siya og work sa Manila ug wa na niuli sa ilang lugar. Wa na sila nahibawo kon hain na siya. Walay bisan usa nga communication. Naay nisulti nilang silingan nga nagminyo siya ug duna nay pamilya sa Luzon.
Nasakitan ko kay bisan na man lang few words ni-communicate siya nako, pero wa niya buhata. Nagpaabot ko kay nisaad gud siya nako nga mobalik, apan wa niya tumana. Nasakitan ko sa iyang gibuhat, apan until now gahandom gihapon ko. Daghan na ang ning-court nako, apan wa nako dawata kay siya lang gihapon ang sige nga naa sa akong hunahuna.
Last month, naay ni-chat nako nga nagpaila nga friend siya sa akong BF ug gusto nga makig-istorya nako kay gisugo si ya. Gusto sa akong BF nga mo-connect nako og balik, apan nahadlok lang kay basin masuko ko. Maayo kaha nga akong tubayan? Ngano kaha nga until now nagsige pa ko og handom niya? Unsaon pag-move on?
NENEN
Nen,
Dugay mong nagkarelasyon, busa lawom na kaayo ang imong pagbati ngadto niya. Apan mao ni ang pangutana: Unsa sab kaha kalawom ang iyang pagbati diha nimo? Kon managsama pa ang inyong gibati, nganong sayon ra man kaayo kang gikalimtan niya? Kon naghunahuna pa siya nimo ug dunay pagbati, niagi unta siya sa Cebu sa wa pa siya niadto og Manila. Kay wa siya ni-communicate, sa ato pa ang inyong feeling di the same ang intensity ug level. Ayaw na tubayi ang ni-contact nimo kay close na ang inyong chapter. Nagminyo na siya. Sa laktod, nitabok na siya sa pikas tampi sa taytayan ug wa na siyay angay pang balikon.
Hunahunaa kanunay, hinuktoki og maayo, kon ang tawo nga wa naghunahuna nimo, worth bang bugtian sa samang pagbati? Di siya worth. Ipadaplin ang imong pagbati. Open up og friendship nga sinugdanan sa usa ka mas maayo nga relasyon. Kana maka-move on ka pinaagi niana.
NOY KULAS