Dear Noy Kulas,
Maayong adlaw ninyo sa Superbalita. Tawga lang kog Isyot, 55 anyos, biyudo. Sukad ko nabiyudo katulo na ko nakauyab apan kaning latest nga 40 years old maoy pinakagwapa pero ang kaselosa grabe, pirmeng gakayo.
Nakasabot ra ko kay kaduha na ni siya gipuyo pero nagkabuwag kay di lagi siya kaanak.
But na shock ko kay mabdos na man siya karon unya ako lagi kuno ang amahan. Di sab ko makaingon nga dili kay pirme man mi magtagay sa kalipay.
Usahay three times a week gud pero nganong karon pa man siya nimabdos nga 40 anyos na hinuon siya?
Ang akong mga anak di ra ba motuo kay nganong karon pa siya nimabdos?
Unya ang una nakong mga uyab wa man to nabuntis.
Unsaon kaha nako pag verify kon ako ba ang papa? Ako gyud kaha?
ISYOT
Syot,
Naa bayay cases nga wa nimabdos ang babaye bisan 5 na ka lalaki ang nangagi sa kinabuhi ug diha na sa ikaunom. Naa say lalaki nga gatuong di makapamabdos kay 15 na ang nangagi but ang ika 16 ang nimabdos.
Di ko maka explain niana kay di man ko doktor.
Mas maayo nimong buhaton mao ang pagpa DNA test sa bata aron maklaro gyud ikaw bay amahan. Or mobase na ba lang ka sa kanang giingon nga lukso sa dugo.
Ikaw na lay mag-igo. But mangutana ka nako? Tuo ko nga ikaw ang amahan. Ayaw na pagduda.
NOY KULAS
rojval69@yahoo.com