Dear Noy Kulas,
Tawga lang ko og Zobra, minyo pero dugay na ming buwag sa akong bana. Almost 10 years na ming nagbuwag.
Duna na siya'y laing pamilya while ako duna nay anak sa usa ka foreigner pero namatay na sab akong partner.
Nakapalit siya og properties ug iyang gibilin diri nako tanan.
Mao ni ang nakapasaka sa akong life ug na-stable ang akong income tungod ani. Pero mao sab ni ang akong problema.
Nisulti ang akong amiga nga interested ang akong bana nga makigbalik nako karon nga masakiton ang iyang partner. Gusto siya nga makigbahin sa akong properties kay husband and wife pa kuno mi until now. Tinuod ang gisulti sa akong amiga kay ang akong sister-in-law nisulti nako nga maoy plano sa akong ex-husband.
Wala ko nakauyon sa akong nahibaw-an kay karon na lang siya makigbalik nga maayo na ang akong kahimtang. Makaangkon ba siya sa akong properties? Please tambagi ko.
ZOBRA
Zobra,
Dili na mahimo nga iyang maangkon kay sa imo man nang bana. Dili na ma categorize nga conjugal property ninyo kay ang imo mang ex-partner nga foreigner ang tag-iya ana.
But mas maayo nang mokunsolta ka og abogado aron mas matambagan ug magiyahan ka unsay imong buhaton.
Naa na koy nasugatan nga sama nimo og kaso, manghantukay sab ang legal partner pero failed ang pagsuway og ilog.
Maklaro man nga dili diniyos o seryuso ang iyang pagpakigbalik nimo or sa iyang plano. So way rason nga mosugot ka sa iyang gusto kay ang iyang giapas kuwarta ra man.
Klaro kaayo ang iyang motive. Maayo unta kon ang iyang pagpakigbalik nagagumikan kay nakaamgo na siya nga nasayop siya sa iyang gibuhat.
Apan wala man siya nagpakita og pagbasol. Busa ayaw pagpadala kon unsay atik niya.
NOY KULAS
rojval69@yahoo.com