Dear Noy Kulas,
Itago lang ko sa ngan nga Gemma, 25 years old. Usa lang ko ka helper but last semester na lang nako, mo-graduate na ko sa college.
Mao ni ang part sa akong problem. Mga 10 years na ko nga ga-work aning balay sa akong mga amo. Sila nagpaeskwela nako sa high school ug college. Wa ko ga expect nga usa sa ilang anak akoang makarelasyon sa secret. Two years na ang among relationship nga wa sila nakabalo parte namo. He is 27 years old and nag work as manager sa usa ka company.
Ang iyang parents sige nag hangyo niya nga mangita na og GF pero wa siya nituman kay kami na lagi.
Ang iyang gusto nga aron mapugos ang iyang parents nga makasal mi, iya kong pamabdusan human nako og graduate. Apan di pa ko ready sa iyang proposal kay naa pa koy mga manghod nga akong tabangan. Pero gusto na gyud siya nga motug-an sa iyang parents ug magminyo mi. Kon di ko mosugot, magbuwag na lang kuno mi. Ang akong gikalibgan kay heaven and earth ang among social status. Ang among balay payag while ang ilaha kay sama og mansion ka dako.
Noy, tumanan ba kaha nako siya o di? Unsa kahay reaction sa iyang pamilya kon makahibawo? Please tambagi ko.
GEMMA
Gem,
Buotan siya ug duna say baruganan, firm nga pagka lalaki. Kay duna gud siyay opportunity nga makauyab og lain kay of all women sa gawas, nganong naa man siya nimo? Naa siyay nakita diha nimo nga alang niya wa sa uban. Iyang nakita nga worth ka mahimong asawa inspite sa imong social status. Naa na mo pulos sa legal age and kaya kaayo niya nga mobiya sa iyang pamilya. He can stand on his own. Sa akong tan-aw karon, di tingali lisod sa pagdawat sa parents niya nga ikaw ang mamahimong asawa. But ang ilang anak kon mo-decide wa gyud silay mahimo kay both ninyo naa na sa legal age. Sultihi siya sa imong mga apprehension aron makakita sab siya unsay imong mga kabalaka. Diha ka na mo-decide kon modayon ka ba sab o di. But for me, go for it. I mean pagminyo mo. Talagsaon ra baya ang lalaki nga sama niya.
NOY KULAS
rojval69@yahoo.com