Dear Noy Kulas,
Tawga lang ko og Irine, 32 years old, single but naa na koy live-in partner.
Tinuod diay ang giingon nga magkadako ang edad sa babaye, magkausab sab ang perception sa kinabuhi ug pagpuyo. Wala pa mi anak ug naglikay ko nga momabdos. Tinuod maayo sila pagkabutang kay ang parents naa sa abroad. Ang iyang mga igsuon dunay work ug mga business while ang akong partner jobless kay nagsalig lang sa ipadala sa iyang parents. Dako tuod kaayo ang ipadala kay no need gani unta nga mo-work ko pero dili ko ganahan magsalig niya. Dili unta siya ganahan pero ako ang niinsister kay dili ko ganahan mokaon sa pagkaon nga dili niya hinaguan ug akong gitrabahuan.
Nangutana siya kon unsay plano nako, magminyo ba mi? Ako siyang gisultihan nga mosugot ko magminyo mi pero kinahanglan mangita siya og trabaho o negosyo, dili magsalig sa iyang parents. But matod niya nga wala kunoy problema kay will sa iyang parents ang pag-support niya. Ako siyang gitubag nga dili siya angay magsalig, maninguha siya og iyaha. Dili man siya maminaw nako. Hapit na ko mapul-i sa pag convince niya. Ako na ba lang kaha siyang biyaan kay nahadlok ko wala koy kaugmaon ani niya? Maayo kaha, Noy Kulas?
IRINE
Irine,
Sakto baya ang imong pagkombinser niya nga maninguha, ‘magbanat ng buto’ sab siya, dili maghuwat nga lawgan sa iyang parents. Kana kay wala pa moy anak kay nagpugong ka nga dili momabdos, dako na kaayo na nga opportunity sa pagtigom aron makasugod mo og negosyo. Aron nga kon mokita na, dili na siya magsalig sa iyang parents kay dili baya hangtod sa hangtod o lifetime nga makahatag og suporta ang iyang parents, duna nay expiry.
So, hatagan sab nimo siya og deadline by telling him of your plan ninyong duha. If he will act sa imong isulti niya, kana nagmatuod nga lawom ang iyang gugma nimo kay he is ready sa pag-usab. Ang tawo nga mag-usab sa iyang kinabuhi dunay dako nga gugma sa tawo nga maoy gusto nga siya mag-usab. Sakripisyo man gud na. If dili siya mag-usab, dili maminaw, then ipadayon ang imong plano sa pagbuwag niya. Kay sayon ra isulti ang kaminyuon, apan lisod ang pagtuman sa mga responsibilidad nga mag-uban niini. Way luna sa tapulan nga tawo ang kaminyuon. Sakto kaayo ang imong gibuhat. Maayo nang mas hayag ang imong future uban sa tawo nga responsable, dili nianang maghuwat lang nga lawgan.
NOY KULAS
rojval69@yahoo.com