Aduna nay accident ug life insurance benefits ang tanang kwalipikado nga provincial officials ug regular employees, job-order ingon man ang mga contractual workers, ug co-terminous workers sa Kagamhanan sa Probinsya sa Sugbo.
Gigahinan kini og P10 milyunes sa kagamhanan nga posibling dugangan ugaling magkuwang.
Kini human gipasar sa Hunta Probinsyal sa ika-tulo ug final nga reading ang ordinansa nga nag-establisar sa Sugbo Segurado alang sa tanang empleyado sa Kapitolyo.
Lakip niini ang mga opisyal, gobernador, bise gobernador, ug PB members.
Ingon man ang mga mayor, vice mayor, ug councilors lukop lokalidad sa probinsya sa Sugbo, mga kwalipikadong barangay officials, appointed ug volunteer barangay workers, tanan nga teaching ug non-teaching personnel sa Department of Education (DepEd); Parent-Teacher Association (PTA) Federation presidents sa mga pampublikong tunghaan sa probinsya, ug ang canyoneering guides sa Badian ug Alegria.
Ang maong ordinansa gipangamahanan ni Bokal Raymond Joseph Calderon kauban nila ni Board Members Jonkie Ouano ug Stanley Caminero.
Subay sa lagda, usa ka komitiba ang umulon nga pangulohan sa Provincial Health Office (PHO), Provincial Human Resource Management Office ug Provincial Treasurer’s Office alang sa pagsiguro nga mapatuman ang maong mando ilabi na ang paghimo sa implementing rules and regulations (IRR), ingon man ang pagproseso sa mga claim ug assistance sa maong insurance diin sila isyuhan og insurance card. / ANV