Sugdan na ni kanhi two-time world champion Filipino Marlon Tapales ang pagbangon gikan sa iyang 10th round knockout nga kapildihan batok kang Japanese Naoya “Monster” Inoue sa ilang undisputed super bantamweight title bout niadtong Disyembre 26, 2023 sa Japan.
Ang gitawag og “Nightmare” nakatakdang makigbatok kang Thai Nattapong Jankaew karong Mayo 10, 2024 sa Midas Hotel and Casino sa Manila alang sa inilugay sa World Boxing Council (WBC) Asia Continental super bantamweight belt.
Si Tapales, kinsa kanhi Word Boxing Association (WBA)/International Boxing Federation super bantamweight king, nagkanayon nga nakat-on siya’g leksyon sa iyang kapildihan batok ni Inoue.
Matod ni Tapales nga maningkamot siya’g maayo aron mahimo siya pagbalik nga world champion.
Si Tapales, 32, naggunit og 37-4, 19KOs nga rekord samtang si Jankaew, 27, adunay 12-3, 8KOs nga baraha. / ESL