Gipadayag ni Filipino Marlon Tapales ang dako niyang pagsalig nga makarehistro og surpresang kadaugan sa ilang unification bout ni Japanese Naoya “Monster” Inoue karong Disyembre 26, 2023, sa Ariake Arena sa Tokyo, Japan.
Si Tapales, kinsa maoy naggunit sa World Boxing Association (WBA) ug International Boxing Federation (IBF) super bantamweight titles, nagkanayon nga maayo ang dagan sa iyang preparasyon alang ning labing lisod niyang tahas.
Sa interbyu sa Sparring Sessions, nagkanayon si Tapales nga wala’y laing naa sa iyang alimpatakan sa iyang pag-asdang puhon sa Japan kon dili ang kadaugan.
Matod niya nga daghang sparring partners ang iyang gikasukmagay sa iyang training camp lakip na si kanhi world champion Mark Magsayo.
