Tapales nakig-sparring og KO artist

Tapales
Tapales

Nakig-sparring si Filipino two-division world champion Marlon Tapales batok sa usa ka lehitimong knockout artist isip tipik sa iyang hugot nga preparasyon alang sa iyang labing dakong away sa umaabot.

Gitumbok mao si super bantamweight prospect Carl Jammes Martin, kinsa adunay 22-0, 17KOs nga rekord.

Si Martin, 24, nangandam sab alang sa iyang umaabot nga away nga natakatakda sab karong Disyembre batok sa wala pa mailhi nga kontra.

Gawas kang Martin, nagplano sab ang kampo ni Tapales nga kuhaong sparring partner si bantamweight contender Vincent Astrolabio.

Si Tapales, kinsa maoy tag-iya sa World Boxing Association (WBA) ug International Boxing Federation (IBF) super bantamweight titles, makigbatok ni Japanese Naoya “Monster” Inoue karong Disyembre 26, 2023 sa Ariake Arena sa Tokyo, Japan.

Ning awaya, isugal ni Inoue ang iyang World Boxing Council (WBC) ug International Boxing Federation (IBF) super bantamweight belts alang sa iyang tinguha nga mahimong two-division undisputed champion.

Unang nahimong undisputed champion si Inoue sa bantamweight category.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph