Nisakmit ang kanhi world champion nga si Marlon Tapales sa World Boxing Council (WBC) International Silver super bantamweight belt human sa impresibo nga third-round stoppage batok kang Indonesian Jon Jon Jet sa General Santos City.
Natapos ang maong away sa pagkabuak sa ilong ni Jet.
Ang 33-anyos nga si Tapales nisaka sa record nga 40-4 ug 21 knockouts, samtang si Jet natagak ngadto sa 15-2-1 ug 12 knockouts.
Nagsige og pakondisyon karon si Tapales para sa posbile nga world title shot sa hinapos nga bahin karong tuiga.
Si Sanman Promotions CEO JC Manangquil, ang promoter ni Tapales, nagkanayon nga naghuwat ra sila nga mosaka si Naoya Inoue sa featherweight division.
Gikuptan man ni Inoue ang tanang upat ka bakos sa super bantamweight division.
Si Tapales maoy No. 2 sa WBC, No. 3 sa International Boxing Federation (IBF) ug No. 5 sa World Boxing Association (WBA). / RSC from EKA