‘Tatak Pinoy’ giduso sa Kongreso

‘Tatak Pinoy’ giduso sa Kongreso
SunStar Local News GPX

Sa paghatag og igong gibug-aton ug kamahinungdanon sa pag-ila sa marka sa garbong Pinoy, ang Tatak Pinoy (Proudly Pinoy) Act giduso sa Ubos Balay-Balauranan.

Si Cebu City South District Representative Edu Rama, usa ka co-author sa maong balaudnon ni Kong. Keith Micah Tan sa 4th District sa Quezon, nagkanayon nga usa kini ka inisyatiba nga nagti­nguha sa paggamit sa “whole of government” nga pamaagi sa paghatag gahom ug dugang nga pagpalambo sa atong mga lokal nga industriya.

Samtang, dason niya, nagpasidungog sa pagkabatid ug dedikasyon sa atong mga prodyuser ug artisano, nga nagha­tod sa mga produkto nga inila sa tibuok kalibutan, labina sa taga Sugbo.

Isip kaubang tagsulat niini nga balaudnon, si Rama mapasalamaton nga ang Marcos administration nagbutang og focus sa pagpamuhunan sa atong mga lokal nga industriya.

Nagpasiugda sa ilang bili sa kulturang Pilipino ug pagpalig-on sa pagtubo sa ekonomiya pinaagi sa produksyon ug promosyon sa taas nga kalidad nga mga butang ug serbisyo, dason niya.

Ang Taktak Pinoy Act maoy usa sa priority legislation ni Presidente Ferdinand “Bong Bong” Marcos Jr. nga iyang gipresentar sa Kongreso atol sa iyang miaging state og the nation address (Sona).

Dugang ni Rama, ang mga Sugbuanon adunay dakong rason sa pagsaulog niining maong baladnon nga nipasar sa ikaduhang pagbasa, kay magsilbi kini nga tigpasiugda sa atong mga produkto sa tibuok kalibotan.

Uban sa atong mga nag-unang destinasyon sa mga turista, ang Cebu andam nga magpakita sa “Proudly Pinoy” nga mga butang ug serbisyo nga mahimong makigkompetensya sa internasyonal nga merkado.

Si Rama nagkanayon nga iyang gilauman nga ang Tatak Pinoy Strategy, makapabenepisyo og dako sa Sugbo labina sa sektor sa turismo, mga produkto ug sa mga serbisyo niini. / PR

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph