Nahimong labing bag-ong miyembro si Boston Celtics superstar Jayson Tatum sa $300 million club sa National Basketball Association (NBA).
Kini human gidawat ni Tatum ang tanyag sa Celtics nga lima ka mga tuig nga contract extension nga nagbalor og $314 million.
Ang extension magsugod sa 2025-26 season. Kon ma-finalize na ang kasabutan, hayan ang kontrata maoy labing dako sa kasaysayan sa NBA.
Nalabwan niini ang gipirmahan sa kauban ni Tatum nga si Jaylen Brown nga $304 million nga kontrata.
Sa miaging season, si Tatum nag-average og 26.9 puntos, 8.1 ka rebounds, ug 4.9 ka assists. / AP