Ningdaog ang Boston Celtics batok sa hosts Sacramento Kings, 113-95, apan nakasinati og angol (ankle) ang usa sa ilang mga pambato nga si Jayson Tatum ning Martes, Marso 25, 2025 (PH time), sa National Basketball Association (NBA).
Nahitabo ang pagkaangol ni Tatum dihang nag-itsa siya og tres apan sa iyang pagtugpa, natumban niya ang tiil sa nagdepensa kaniya nga si Domantas Sabonis, kinsa natawagan og Flagrant foul 1.
Taudtaod nga naglubog sa sawog si Tatum ug nagping-it sa kasakit una kini nakabangon. Nakamugna si Tatum og 25 puntos una nibiya sa duwa. / Gikan sa AP