Taxi drayber nangayo og pasaylo sa publiko

Taxi drayber nangayo og pasaylo sa publiko
NANGAYO OG PASAYLO: Si premium taxi unit driver Philip Adormio (tunga), 24, taga Talisay City, nangayo og pasaylo sa publiko sa iyang gibuhat nga paghawan sa mga traffic cone sa karsada aron siya makaagi. / CHERRY A. VIRADOR

Usa ka drayber sa premium taxi unit nasubay, gisikop ug pamultahon tungod sa iyang pagkuha sa mga ali sa dan aron makaipsot sa trapik pinaagi sa paghimo og ilegal nga u-turn sa dan MC Briones, Dakbayan sa Mandaue niadtong Hunyo 23, 2024.

Apan nakuha sa CCTV came­ra sa karsada ang iyang gibuhat hinungdan nga nasubay kinsa ang malapasong drayber sa taxi, nga nailhan nga si Philip Adormeo, hinungdan nga siya nasikop.

Si Adormeo nangatarungan nga na-pressure siya sa iyang pasaheho nga dunay ‘emerhensiya’ busa nagdali siya ug gipang-irog ang plastic barrier aron makagawas sa kahuot sa trapiko niadtong higayuna.

Apan sa Lunes, Hulyo 1, 2024, si Adormeo nangayo og pasaylo sa publiko bahin sa iyang aksiyon base sa CCTV nga napasa-pasa o nag-viral sa social media.

Si Hyll Retuya, pangulo sa legal division and assistant department head sa Traffic Enforcement Agency of Mandaue (Team), gikatakda nga mosusi usab sa maong kaso.

Si Adormio nakalapas sa reckless driving, illegal u-turn, ug obstructing traffic.

Multahan siya sa iyang mga kalapasan, gawas sa uban pang kalapasan sa pagmaneho nga hayan una niyang nahimo nga kalapasan sa trapiko. / CAV

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph