MAGPAHIGAYON og tryout ang Muay Thai Association of the Philippines (MAP) ug Samahang Kickboxing ng Pilipinas (SKP) sa Dakbayan sa Sugbo karong Hulyo 26, 2025, sa Cebu City Sports Center (CCSC) boxing gym.
Ang mga mapili sa tryout mahimong sakop sa Team Cebu City Muay Thai ug Team Cebu City Kickboxing nga mokombati sa Batang Pinoy National Championship “Husay ng Bagong Bayaning Manlalaro” karong Oktubre 25-31, sa General Santos City.
Niini, nanawagan ang MAP ug SKP sa tanang coaches, trainers, ug tag-iya og gyms sa Dakbayan sa Sugbo nga pasalmuton sa tryout ang ilang batan-ong mga atleta nga nag-edad og 12 hangtod 17 anyos.
Sa mga mangapil sa tryout, gikinahanglan ang orihinal nga Philippine Statistics Authority (PSA) birth certificate, school ID, photo copy, ug parents consent.
Modumala sa tryout mao sila si head coach Johnlery ”Ian” Caniga, GM Emiliano “Zapata” Dacuyan Jr., Kru Robert Serdone Jr., ug SKP national technical official John Ian A. Nisnisan.
Alang sa dugang mga detalye, mahimong motawag ni Yaw-Yan Ardigma Philippines CEO Master Benigno R. Caniga Jr. sa 0961-9543588. / ESL