Naangkon sa Team Geraldez ang solong liderato human nila gipangbuntog ang Team Yosores, 85-52, main game niadtong Dominggo sa buntag, Agusto 23, 2026, sa Cebu Professional Basketball Association Inc. (Cepba) 61st Anniversary League sa YMCA Cebu Gym sa Jones Avenue, Dakbayan sa Sugbo.
Sa kadaugan, ang Team Geraldez ningsulbong sa ibabaw dala ang limpyong 2-0 nga rekord samtang ang Team Yosores nahagbong sa 1-1 nga rekord.
Gipangulohan ni Klein Gordillo ang Team Geraldez pinaagi sa iyang 18 puntos, 10 rebounds, ug lima ka assists.
Ang nangaminghoy nga Team Yosores gipangulohan ni Joash Go pinaagi sa iyang 16 puntos samtang niamot og 13 puntos si Issah Aleria.
Sa premirong duwa, gipatapsingan sa Team Teelow ang Team Gajudo, 69-68, sa kulbahinam nga kombati.
Ang Team Teelow nisaka sa 1-1 nga rekord samtang ang Team Gajudo nahugno sa 0-2 nga baraha.
Puntos matag usa:
1st game:
Team Teelow (69)- Pizarras 18, Olarte 12, Alicando 11, Boniel 10, Teelow 7, Singson 5, Ong 3, Cordova 3.
Team Gajudo (68)- Besa 22, Balbao 21, Ortega 16, Plattring 7, Rollan 2.
2nd game:
Team Geraldez (58)- Gordillo 18, Gaviola 13, Tuquib 8, Calvo 6, Rodriguez 5, Agura 5, Sta Maria 3.
Team Yosores (52)- Go 16, Aleria 13, Icong 9, Balolot 5, Talengdan 4, Mutia 3, Atillo 2. / ESL