Team USA mimakmak sa Canada

Team USA mimakmak sa Canada

Gipangmakmak sa Team USA ang dekalidad nga puwersa sa Canada, 86-72, sa labing una nilang tune-up game alang sa umaabot nga Paris Olympics ning Huwebes, Hulyo 11, 2024 (PH time) sa Las Vegas.

Ang Canada, nga maoy gituohang usa sa labing lig-ong puwersa nga masangka sa Team USA sa Paris Games, maoy unang nakayatak sa gasolinador sa opensa aron iposte ang 11-1 nga labaw sa 1st quarter.

Apan paspas nga ninggukod ang Team USA ug hingpit niining nabalit-ad ang dagan sa estorya unya sa halftime, nakaposte na sila og 41-33 nga labaw.

Gipaburot sa Team USA ang ilang labaw ngadto sa 69-54, sa 4th quarter ug ning higayuna, kontrolado na nila ang duwa hangtod sa katapusang gutlo.

Gipangulohan ni Anthony Edwards ang Team USA pinaagi sa iyang 13 puntos, nidugang 12 puntos si Stephen Curry niamot og 11 puntos si Jrue Holiday samtang nitampo og 10 puntos si Anthony Davis.

Ang Canada gipangulohan ni RJ Barrett pinaagi sa iyang 12 puntos samtang ninghatag og 10 puntos matag usa sila si Shai Gilgeous-Alexander ug Dillon Brooks each had 10. / AP

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph