Team Veterans naghari sa VBC Inter-Ball Club

KAMPYON: Malipayong nagpahulagway ang mga sakop sa Team Veterans human nila naangkon ang kampyunato sa Veterans Ball Club (VBC) Inter-Ball Club niadtong Lunes, Disyembre 18, 2023, sa The Warehouse Sports Lab sa Canduman, Mandaue City.
KAMPYON: Malipayong nagpahulagway ang mga sakop sa Team Veterans human nila naangkon ang kampyunato sa Veterans Ball Club (VBC) Inter-Ball Club niadtong Lunes, Disyembre 18, 2023, sa The Warehouse Sports Lab sa Canduman, Mandaue City. TAMPO

Wala’y kapoy nga nasakmit sa Team Veterans ang kampyunato sa 2023 Vete­rans Ball Club (VBC) Inter-Ball Club Tournament gumikan kay na-forfeit ang ilang kontra sa championship game nga mao ang Team Kishi niadtong Lunes sa gabii, Disyembre 18, 2023, sa The Warehouse Sports Lab sa Canduman, Mandaue City.

Na-forfeit ang Team Kishi gumikan kay tulo ra sa ilang mga sakop ang nakatunga sa duwa.

Ang Team Veterans naglaom unta og malisod nga engkuwentro sa finals gumikan kay usa ang Team Kishi sa gikahadlukang puwersa sa torneyo.

Sa semi-finals, yanong gipasukarap sa Team Kishi ang Team Eagles, 56-30. Usa kini ka timailhan kon unsa ka lig-on ang puwersa sa Team Kishi.

Sa laing duwa sa semi-finals, gipangmakmak sab sa Team Veterans ang Team Gary, 101-83, sa pagpangulo ni Mike Abrenica, kinsa nirehistro og 19 puntos lakip na niini ang unom ka three-point shots.

Sa inilugay sa ikatulong dapit, gipanglampornas sa Team Gary ang Team Eagles, 101-87, sa pagpangulo ni Kuya Estrobo, kinsa nitali og 50 puntos.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph