Tenorio gisugat og daog sa iyang pagbalik

Tenorio
Tenorio

Gisugat sa Brgy. Ginebra Gin Kings ang pagbalik sa ilang pambato’ng pointguard nga si LA Tenorio pinaagi sa dakong kadaugan batok sa Terrafirma Dyip, 110-99, niadtong Dominggo sa gabii, Disyembre 3, 2023, sa Philippine Basketball Association (PBA) Season 48 Commissioner’s Cup sa Philsports Arena.

Mao kini ang labing unang pagduwa ni Tonorio human kini na-diagnose og stage 3 colon cancer niadtong Marso, 2023.

Niadtong Septiyembre, 2023, gideklarar na si Tenorio nga cancer-free human sa taas-taas nga panahon sa pagpaalim.

“It was great having LA back. He’s such a warrior,” matod ni Ginebra coach Tim Cone, kinsa nipahiluna dayon ni Tenorio sa naandan niining puwesto sa starting unit.

Si Tenorio nakatampo og unom ka mga puntos alang sa Gin Kings.

Kontrolado sa Gin Kings ang hapit kinatibuk-ang du­wa ug aduna kini tubag sa ma­tag aksyon og gukod sa Dyip.

Ang Gin Kings, nga ningsaka sa 4-1 nga rekord, gipangulohan sa ilang import nga si Tony Bishop pinaagi sa iyang 26 puntos, nidugang og 24 puntos si Christian Standhardinger samtang niamot og 19 puntos si Japeth Aguilar.

Ang Dyip, nga ning-atras sa 2-4 nga baraha, gipangulohan ni Javi Gomez De Liano pinaagi sa iyang 22 puntos samtang nitampo og 18 puntos ang ilang import nga si Thomas Hugo De Thaey.

Summary

Puntos matag usa:

Ginebra (110) - Bishop 26, Standhardinger 24, Aguilar 19, Malonzo 14, Ahanmisi 10, Te­norio 6, Pinto 6, Pessumal 3, Cu 2. Terrafirma (99) - De Liano 22, De Thaey 18, Carino 14, Tiongson 13, Go 10, Holt 7, Ramos 4, Mina 3, Alolino 2, Cahilig 2, Calvo 2, Camson 2.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph