Si Department of National Defense (DND) Secretary Gilberto Teodoro Jr. namahayag nga walay problema kaniya kon did-an siya sa China nga makasulod sa ilang nasod ug sa mga teritoryo niini, human kini nahitabo kang kanhi senador Francis Tolentino.
“Wala naman akong pakialam [kung] gawin nila sa akin 'yun,” matod ni Teodoro dihang nahinabi sa mga tigbalita sa Camp Aguinaldo sa Quezon City.
Si Teodoro miingon usab nga katungod sa bisan unsang nasod, bisan og walay katin-awan, ang pagtugot o pagdumili ni bisan kinsa sa pagsulod sa teritoryo niini.
“Nasa sa kanila naman 'yun, 'di ba?” matod niini.
Wala tugoti sa China si Tolentino sa pagsulod sa mga teritoryo niini tungod sa iyang "egregious conduct" sa mga isyu nga may kalabutan sa China.
Si Tolentino, kinsa nagsilbi isip chairperson sa usa ka special committee on maritime and admiralty zones, mao ang author sa duha ka balaudnon nga nagpasiugda sa katungod sa Pilipinas sa maritime zones niini.
Gipirmahan ni Presidente Ferdinand R. Marcos Jr. ang balaod sa Philippine Maritime Zones Act ug Philippine Archipelagic Sea Lanes Act niadtong Nobiyembre 8, 2024, nga nagtimaan sa usa ka importanteng higayon sa pagpalig-on sa maritime nga soberanya ug pagsiguro sa nasudnong interes, ilabina sa West Philippine Sea (WPS).
Ang Maritime Zones Act nag-ila sa internal nga katubigan sa Pilipinas ug naghubit sa archipelagic waters, hingpit nga katungod sa 12 nautical miles territorial sea, deklarasyon sa 24 nautical miles contiguous zone gikan sa baselines, ug ang 200 nautical miles exclusive economic zone ug continental shelf diin ang Pilipinas makagamit ug hurisdiksiyon sa katungod.
Sa laing bahin, ang Archipelagic Sea Lanes Act nagtukod og duha ka silangan-kasadpan nga rota ug usa ka amihanan-habagatan nga rota, nga mao ang Sea Lane I (Philippine Sea-Balintang Channel-WPS), Sea Lane II (Celebes Sea-Sibutu Passage-Sulu Sea-Cuyo East Pass-Mindoro Strait-WPS), ug Sea Lane III (Celebes Strait-WPS), ug Sea Lane III (Celebes Strait-WPS) Strait-WPS). / PNA