Human sa taas nga pagpahulay, si kanhi interim World Boxing Association (WBA) featherweight champion Jhack Tepora mobalik sa ring atol sa walo ka hugna nga tune up fight batok kang David Leal sa Abril 20, 2024 sa Tijuana Municipal Auditorium sa Tijuana, Mexico.
Si Tepora wala na nakaaway sulod sa duha ka tuig ug naningkamot na siya nga makabalik sa itaas ug mag-atubang siya og medyo sayon nga kontra sa iyang unang away isip lightweight.
Si Tepora adunay 24-1 inubanan sa 18 ka knockouts, samtang si Leal nalista sa 3-12-2 nga adunay tulo ka knockouts.
Si Leal usa ka warrior nga sagad makig-away sa mga prospect aron susihon kon andam ba sila alang sa sunod nga lebel ug adunay siyam ka pilde sa iyang 10 ka mga away.
Ang iyang katapusang daog niadtong 2019, usa ka second-round knockout ni Alfredo Ramirez.
Napildi si Leal pinaagi sa unanimous decision sa katapusan niyang away batok kang Evlyn Martinez niadtong Marso 30, 2024 sa Mexico.
Si Tepora, sa laing bahin, katapusang nakigsangka niadtong 2022 ug nakaiskor og second-round knockout ni Richard Betos sa Gen. Santos City.
Si Tepora nahimong interim WBA featherweight champion human sa ikasiyam nga hugna nga pagpahunong ni Edivaldo Ortega sa Malaysia niadtong 2018.
Nahiagom siya sa iyang bugtong kapildehan sa career niadtong 2019 human sa first-round knockout sa mga kamot ni Oscar Escandon niadtong 2019 sa US. / EKA