GISIRHAN sa publiko ang The Barracks sa Carbon Market niadtong Lunes, Hunyo 30, 2025, aron hatagan og agianan ang pagtukod sa Carbon Main Public Market.
Sumala sa usa ka pahayag nga gi-post sa opisyal nga Facebook page sa Carbon Market Cebu.
Gipasalamatan sa post ang publiko sa ilang padayon nga suporta ug gipasalig nga ang mga sikat nga tigbaligya og pagkaon nga kanhi nahimutang sa The Barracks sa dili madugay mangabli pag-usab sa usa ka bag-ong lokasyon sa umaabot nga Pusô Village.
“Daghang salamat sa way puas nga suporta sa The Barracks!” ang post mabasa nga nagpasalamat sa publiko sa ilang padayon nga pagpaluyo sa food strip.
Giawhag ang mga kustomer nga paabuton ang pagbukas sa Pusô Village nga mahimo gihapon nilang matagamtaman ang ilang paboritong pagkaon sa higayon nga magsugod na usab ang operasyon. / CDF