Aduna pa’y usa ka semana una makaduwa og balik ang Oklahoma City Thunder sa 2024-25 National Basketball Association (NBA) Finals.
Kini gumikan kay sayo nilang napalagpot ang Minnesota Timberwolves sa Western Conference finals best-of-seven series, 4-1.
Makatabang kaha o makaapekto sa Thunder ang taastaas nilang pahuway alang sa NBA Finals nga sugdan karon pang Hunyo 6 (PH time)?
Sa NBA Finals, huwaton sa Thunder ang modaog sa Eastern Conference finals series diin kasamtangang naglabaw ang Indiana Pacers batok sa New York Knicks, 3-2.
Si Thunder coach Mark Daigneault nipadayag sa iyang dakong pagsalig nga dili maapektuhan sa taastaas nga pahuway ang iyang batan-ong puwersa.
“They’re highly professional, consistently professional,” matod ni Daigneault. / Gikan sa wires