Mosuway pagsulod sa National Basketball Association (NBA) Finals ang host Oklahoma City Thunder sa ilang pagpakigbatok og balik sa Minnesota Timberwolves sugod karong alas 8:30 sa Huwebes sa buntag, Mayo 29, 2025 (PH time), sa Game 5 sa Western Conference finals series.
Sa kasamtangan, ang Thunder naglabaw ning maong best-of-seven series, 3-1.
Kon modaog ang Thunder ning sangkaa, hayan makabalik sila sa NBA Finals sa labing unang higayon gikan niadtong 2012.
Sama sa naandan, ang Thunder mosalig og maayo sa ilang pambatong trayanggulo nga sila si MVP Shai Gilgeous-Alexanders, Jalen Williams ug Chet Holmgren.
Ang usa sa mga pambato sa Timberwolves nga si Julius Randle nisaad nga mobawi siya ning higayuna human siya igo lang nimugna og lima ka mga puntos sa ilang pagkapilde sa Game 4, 126-128. / Gikan sa wires