Gipangbuntog sa host Oklahoma City Thunder ang Denver Nuggets, 112-105, sa Game 5 aron pagposte og 3-2 nga bintaha sa Western Conference semi-finals series sa National Basketball Association (NBA) ning Miyerkules, Mayo 14, 2025 (PH time).
Ning sangkaa, nasugakod sa Thunder ang kabangis sa duwa sa sentro sa Nuggets nga si Nikola Jokic, kinsa nagpakatap og 44 puntos ug 15 rebounds.
Unom ka mga magduduwa sa Pacers, apil ang ilang tanang starters, aron alkontrahon ang kabangis ni Jokic.
Gipangulohan ni Shai Gilgeous-Alexander ang Thunder pinaagi sa iyang 31 puntos, nidugang og 18 puntos si Jalen Williams, niamot og 15 puntos si Isaiah Hartenstein, nihatag og 14 puntos si Chet Holmgren, nitunol og 13 puntos si Alex Caruso samtang nitampo og 12 puntos si Luguentz Dort.
Si Jamal Murray nidugang og 28 puntos alang sa Nuggets samtang nihatag og 13 puntos si Aaron Gordon.
Gawas nila ni Jokic, Murray ug Gordon, wala na’y laing sakop ang Nuggets nga nakamugna og dobleng numero nga puntos. / Gikan sa wires