Gilupig sa Oklahoma City Thunder ang hosts Denver Nuggets, 92-87, sa ilang kaugalingong estilo sa duwa sa Game 4 sa NBA Western Conference semifinal series ning Lunes, Mayo 12, 2025 (PH time).
Si Shai Gilgeous-Alexander nibuhat og siyam sa iyang 25 ka puntos sa ikaupat nga quarter, ug gidala ang series ngadto sa panagtabla, 2-2.
Nakalihay ang Thunder sa delikado nga 1-3 nga biya.
“Quick turnaround with an early game today, we made an intentional effort to use our depth today and get everybody going,” matod ni Thunder coach Mark Daigneault.
Si Nikola Jokic nimugna og 27 puntos ug 13 rebounds sa Nuggets. / RSC