Dili madayon si American Keith Thurman sa pagpakig-away batok sa wala’y pildeng si World Boxing Organization (WBO) super welterweight champion Australian Tim Tszyu (24-0, 17KOs) karong Marso 30, 2024 sa T-Mobile Arena sa Las Vegas, USA, taho sa www.boxingscene.com.
Si Thurman (30-1, 22KOs), kansang bugtong pilde nagagikan ni Filipino boxing legend Manny Pacquiao, gikataho’ng nakasinati og angol sa iyang training camp.
Ning pagsuwat, wala pa nasuta kon unsa nga klase sa pagkaangol ang natagamtaman ni Thurman.
Dili na man tuod makaaway si Thurman, ang nagpasiugda sa promosyon nga mao ang Premier Boxing Champions miingon nga madayon gihapon ang promosyon.
Ang PBC nikuha kang American Sebastian Fundora (20-1-1, 13KOs) aron ipuli kang Thurman. / ESL