‘Tig-supply’ og drugas sa Labangon, nadakpan

‘Tig-supply’ og drugas sa Labangon, nadakpan

Giilang high value individual nga gitudlo sa pipila ka drug personalities sa Labangon nga maoy ilang palitanan sa ilegal nga drugas nadakpan sa kapulisan atol sa buy-bust alas 12:20 sa Martes sa kaadlawon, Abril 2, 2024 sa E. Sabellano Street, Barangay Quiot, dakbayan sa Sugbo.

Ang suspek giila nga si Junros Juezan Fernandez, alyas “EJ”, 23, taga Belgium Street, Barangay Suba.

Nakuha sa mga polis sa Labangon Police Station sa pagpangulo ni Police Lieutenant Raymart Rabanes, deputy station commander ubos sa supervision ni Police Major Eraño Regidor, ang mga pinutos sa gituohang shabu nga motimbang og 60 grams nga dunay standard drug price nga P408,000.

Matod ni Regidor nga nigawas ang ngalan ni Fernandez sa nanglabay nila nga mga dakop diin siya, matod pa, ang tinubdan.

Tungod niini, gipaubos nila sa monitoring ang suspek ug nasuta nga makabaligya og 50-100 gramos matag semana.

Ang iyang huresdiksyon mao ang Suba,Labangon, Quiot, Tisa ug kasikbit nga mga barangay sa dakbayan sa Sugbo.

Giingong dunay contact nga drug personality si Fernandez sa sulod sa Cebu City Jail nga maoy motawag kaniya labot sa supply sa ilegal nga drugas. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph