Upat ka mga sugarol ang naposasan human gironda sa kapulisan ang tigbakayan alas 12:50 sa udto, Dominggo, Agusto 23, 2026, sa Purok MPH, Barangay Taytay, Dakbayan sa Danao.
Ang mga dinakpan nga mag-atubang og kasong kalapasan sa Presidential Decree 1602 kon Illegal Cockfight, giila sa ilang alyas nga si Rene, 76 anyos; Raffy, 36 anyos; Jobert, 31; ug Ramy, 46.
Ang mga intelligence operative sa Danao Police Station nakadawat og report kabahin sa tigbakay sa maong dapit.
Niresponde dayon ang kapulisan ubos sa mando ni Police Lt. Col. Henrix Bancoleta, hepe sa Danao Police Station, ang ilang naaktuhan ang mga sugarol nga nagmasyada.
Atol sa ginukdanay, upat ang naabtan ang naposasan.
Narekober sa ilang possession ang P1,220 nga pusta ug duha ka manok igtatari nga mga patay na. / GPL
