Aron mapalambo ang turismo, usa ka tigum ang ipahigayon sa Tourism executives gikan sa nagkadaiyang nasod sa East Asia sa Lunes, Hulyo 21, 2025 alang sa ika-23 nga East Asia Inter-Regional Tourism Federation (EATOF) Standing Committee. Ang maong tigom pasiuna sa ipahigayon nga EATOF General Assembly nga pangulohan sa Lalawigan sa Sugbo sa 2026.
“Representatives from EATOF memberprovinceswill be here to learn and to discuss matters relating to tourism in the East Asian region, particularly on resiliency, best practices, and tourism workforce development. These are pressing matters in the light of the changing world climate and fast-evolving digital landscape,” matod ni Rowena Lu Y. Montecillo, Cebu provincial tourism officer.
Namugna sa 2009 sa siyam ka mga lokal nga kagamhanan sa East Asia, ang EATOF giisip nga ‘model for international cooperation’ ug naglihuk alang sa kalamboan sa mga miyembro niini. Naglakip kini sa Cebu(Philippines), Gangwon(Korea), Jilin (China), Luang Prabang (Lao PDR), Quang Ninh (Vietnam, Sarawak(Malaysia), Siam Reap (Cambodia), Tottori(Japan), Tuv(Mongolia), ug Yogyakarta (Indonesia).
Isip host sa maong tigom, sila si Governor Pamela Baricuatro ug Vice Governor Glenn Soco pormal nga makigkita sa mga miyembro niini sa Hulyo 21, 2025. Sundan kini sa seminar-workshop sa tourism trends ug pagpalig-on sa mga tourism destinations, ug pagtuon sa Gangwon Korea’s best practices lakip na ang “Establishing a Model for Tourism Workforce Development through Regional University Collaboration Among EATOF Member Governments” sa Hulyo 22.
Ipahigayon ang “EATOF Night” dinner program nga sundan sa tour sa Aloguinsan, sa Hulyo 23, 2025. / ANV