‘Tigpabuto’ og armas nasikop

‘Tigpabuto’ og armas nasikop
SunStar Local News GPX

Balay sa giingon nga tigpabuto og armas kon mahubog gironda sa mga sakop sa Criminal Investigation and Detection Group (CIDG) Cebu City Field Unit alas 2:50 hangtod sa alas 4:18 sa hapon sa Miyerkules, Enero 24, 2024, sa Sitio Lupa, Brgy. Busay, dakbayan sa Sugbo.

Ang CIDG armado og search warrant nga giluwatan ni Regional Trial Court (RTC) Branch 5 Presiding Judge Ricky Jones Macabaya sa dakbayan sa Sugbo batok kang James Macmang, 40.

Nakuha sa mga operatiba ang usa ka .45 caliber pistol nga way lisensya nga dunay unom ka mga bala sa magazine niini.


Apil sa nakuha ang 50 ka mga bala sa kalibre 9mm ug lain pa nga bala sa kalibre .45.

Ang pag-serve sa search warrant gisaksihan kini sa mga barangay official sa Busay ug tanod.

Ang CIDG-Cebu City Field Unit nakadawat og reklamo gikan sa usa ka concerned citizen nga ang suspek magpabuto sa iyang armas kon mahubog nga naka pahadlok sa mga silingan.

Milusad dayon og imbestigasyon ang kapulisan ug nasuta nga tinuod ang kasayuran.

Ni-apply dayon sila og search warrant sa korte.

Ang suspek nga naa sa kustodiya sa kapulisan pasakaan og kasong ilegal nga paghupot og armas.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph