Tinderog sud-an sa karenderya nakuhaag binultong drugas dihang gi-buy-bust ala 1:10 sa kaadlawon Biyernes, Hulyo 11, 2025 Sitio Malobog, Barangay Ipil, Lungsod sa Carmen.
Si Reggie Delemon Pasculado, 30, taga Barangay Ipil nadakpan sa mga personnel sa Carmen Police Station.
Si Police Captain Jessie Tañola, hepe sa Carmen Police Station nga nahinabi sa Superbalita Cebu nibutyag nga si Pasculado, ilang nakuhaag 5.40 gramos nga shabu mobalor sa P36, 720.
Matod ni Tañola, nga si Pasculado, nasubay nila nga nadakpan na kaniadto gumikan sa ilegal nga drugas.
Sa monitoring sa kapulisan, bisan nagtindero kini og sud-an apan nagpadayon gihapon sa pagpamaligya og shabu.
Nasuta sab nila nga gireklamo kini'g kasong rape.
Sa laing bahin, kanhi kawatan nakuhaag binultong drugas sa buy-bust alas 11:15 sa gabii, Biyernes , July 11, 2025 sa Purok Upo, Barangay Hagnaya, lungsod sa San Remigio.
Si Anthony Ylaya, 39, dunay kapuyo taga Purok Talong, Barangay Hagnaya, San Remigio, kanhi nalambigit sa kawat sa Dakbayan sa Sugbo.
Si Police Captain Phil Restauro, hepe sa San Remegio Police Station nibutyag sa Sunstar Superbalita Cebu nga si Ylaya, ilang nakuhaag tulo ka gamayng pakite ug duha ka medium nga bulto sa shabu motimbang sa 10.15 gramos mobalor og P69,020. / GPL