Nakabsan sa iyang kinabuhi ang 15-anyos nga tinun-an kinsa gipusil sa iyang kanhi uyab sulod sa eskwelahan sa Nueva Ecija.
Matod ni Police Major Williard Dulnuan, hepe sa Santa Rosa Police Station, nga namatay ang biktima niadtong Martes, Agusto 12, 2025, human sa hapit duha ka semana sukad sa hitabo.
Niadtong Agusto 7, ang 15-anyos nga biktima gipusil sa liog sa iyang 18-anyos nga kanhi uyab sulod sa classroom sa Santa Rosa Integrated School.
Ang suspek nagpusil sab sa iyang kaugalingon sa ulo og namatay usa ka adlaw human sa insidente.
Matod sa kapulisan sa Santa Rosa nga ang suspek nisulod sa tunghaan mga alas 10 sa buntag ug nisuway sa pagkuha sa biktima sa iyang classroom.
Apan nibalibad ang biktima hinungdan nga nisulod siya classroom ug gipusil ang iyang kanhi hinigugma sa wala pa siya magpusil sa iyang kaugalingon.
Tungod sa nahitabo, ang Department of Education (DepEd) niawhag sa ilang mga field office nga palig-unon ang pagbantay ug pagpatuman sa mas estrikto nga preventive measures alang sa seguridad sa eskwelahan ug sa kaluwasan sa mga tinun-an, magtutudlo, ug mga kawani niini. / TPM / SunStar Philippines