USA ka 15-anyos nga tinun-an sa Grade 8, nakuhaan og daghang pinaugang marijuana alas 12: sa udto, Lunes, Hulyo 14, 2025, sulod sa usa ka tunghaan nga nahimutang sa Barangay Looc, Dakbayan sa Danao.
Ang marijuana motimbang sa 6 gramos mobalor og P720.
Ang maong marijuana giturn-over sa mga magtutudlo sa kapulisan ala 1:30 sa hapon, Martes, Hulyo 15, 2025.
Si alyas Jimmy nagpuyo sa nahisgutang lugar, wala na motu-nga sa klase sugod kagahapon.
Si Police Staff Sgt. Jason For-mentera, imbestigador sa Danao Police Station nibutyag sa Superbalita Cebu nga gitawagan sila sa teacher adviser sa Martes , ala 1:00 sa hapon, Hulyo 15, 2025, kabahin sa mga marijuana nga giputos og mga papel nga nasakmit gikan sa ilang tinun-an.
Matod ni Police Staff Sgt. Formentera, classmate sa 15-anyos maoy nitug-an sa magtutudlo niadtong Huwebes Hulyo 10, 2025.
Ang classmate nisumbong sa magtutudlo nga ang iyang kauban nanigarilyo og marijuana ug magdala matag adlaw sulod sa bag.
Gumikan niini, gipanid-an sa maestra si alyas Jimmy ug pagka Lunes sa udto, Hulyo 14, 2025, nasakpan sa maestra.
Nakuha gikan sa bag sa estudyante ang daghang marijuana nga gilikit, gipamutos og papel.
“Pag-adto namo wala man nieskuwela kining 15-anyos. Ang maestra dili kaayo niya kabisado ang bata kay transferee ni,” dugang ni PSSGT. Formentera. /GPL