Mga duwa karon:
5:00 a.m. TNT Tropang 5G batok Rain or Shine Elasto Painters
7:30 p.m. San Miguel Beermen batok Ginebra Gin Kings
Tumong sa TNT Tropang 5G nga ilubong ngadto sa 3-0 ang Rain or Shine Elasto Painters sa Game 3 sa Philippine Basketball Association (PBA) Philippine Cup semifinals sa Smart Araneta Coliseum Dominggo, Hunyo 29, 2025.
Ang Tropang 5G nakabira og 113-105 overtime nga daog sa Game 2 sa Biyernes sa gabii, Hunyo 27, nga maoy miinat sa ilang labaw sa 2-0 sa best-of-seven semis series.
Apan luyo sa maong daog mao ang pagkapiang ni TNT star guard Roger Pogoy nga mibiya sa duwa segundos palang sa second quarter tungod sa suspected hamstring injury.
Matod pa nga di makaduwa si Pogoy sa Game 3 tungod sa iyang piang.
“Focus on Game 3, that's the only thing that's within our control now, that's the one thing that's in front of us,” sigun ni Reyes.
“So we have no choice, to go to Game 3 with whoever it is that we have,” dugang niya. “We cannot relax, whatever the series score is... we have to continue. So this win is big but I think getting another win, Game 3, is going to be bigger.”
Si Calvin Oftana maoy niaswat sa TNT pinaagi sa iyang game-high 39 puntos, ug gipangulohan pud niya ang team sa 8-0 run sa overtime nga maoy mihatag og 109-101 nga labaw.
Di lang si Oftana, nipakita pud og labok sila si Jordan Heading, Kelly Williams, Brandon Ganuelas-Rosser, Kim Aurin, Mike Nieto, ug Almond Vosotros sa Tropang 5G.
Ang head coach sa E-Painters nga si Yeng Guiao nagkanayon gilupig gyud sila sa Game 2 kay 14 ka free throws ang nasipyat sa iyang player.
“We missed 14 free throws. If we just made one free throw before regulation time, that could have been the game,” matod ni Guiao.
“To miss 14 free throws in a really close game, I think that's really disappointing. I was putting emphasis on that doon sa talk namin sa dugout,” dugang ni Guiao. “In close games, kailangan talaga you're a professional. You must be making at least 80 percent of your free throws.”
Samtang sa main game karong adlawa, magsangka ang sister teams San Miguel Beermen ug Barangay Ginebra Gin Kings sa Game 3 sa ilang semis series.
Nagtabla ang duha ka teams sa maong series, 1-1, human ang nidaog ang San Miguel, 100-83, sa Game 2 sa miaging Biyernes sa Ninoy Aquino Stadium.
Matod ni SMB head coach Leo Austria nga gihatagan na og go-signal nga makaduwa ang Sugbuanong bigman nga si June Mar Fajardo human kini limitahi sa Game 2 tungod sa injury.
“He was given the go signal by the doctor. But knowing his injury, we don't want to aggravate it if we will force him to play. Before the game, he was one of the early birds so that means he wants to play. But, the good thing with him is he knows his situation and he asked me 'coach don't start me,'” sigun ni Austria. / RSC