Human sila mahimong kampiyon sa Commissioner’s Cup niadtong Biyernes, ang TNT Tropang Giga nagplano na nga mokuha og laing point guard para pakusgan ang ilang tsansa sa gihinamhinam nga talagsaong Grand Slam sa Philippine Basketball Association (PBA).
Matod ni Tropang Giga team manager Jojo Lastimosa nga nangita sila og deals karon kay di pa makabalik ang beterano nga guard Jayson Castro tungod sa patellar tendon tear sa iyang tu'ong tuhod, ug wala pud ang import nga si Rondae Hollis-Jefferson para sa all-Filipino conference.
Ang All-Filipino Conference mao ang kulang para makompleto sa TNT ang Grand Slam, human sila modaog sa Governor’s Cup ug Commissioner’s Cup sa PBA Season 49.
Si Rey Nambatac ang nahimong Finals MVP maoy mipuli sa pwesto ni Castro. Hatagan sa TNT og katimbang si Nambatac sa umaabot nga Philippine Cup.
“Pilay-pilay kami ngayon and we don’t have Jayson. But I’m hoping that itong coming na conference, I can swing some deals na magdala ng point guard. So that’s my immediate plan actually,” matod ni Lastimosa. / RSC