Gibulsa sa TNT Tropang Giga ang unang daog sa ilang best-of-seven championship series batok Ginebra Gin Kings sa Philippine Basketball Association (PBA) Commissioner’s Cup.
Miparada sa ilang pwersa ang TNT sa closing minutes sa Game 1 para sa 95-89 nga kadaugan sa MOA Arena, Pasay City sa kaulohan, Biyernes sa gabii.
Ang Game 2 duwaon karong adlawa, Dominggo, sa MOA gihapon.
Sa opening game, misandig ang TNT sa reliable import nga si Rondae Hollis-Jefferson, kinsa mipakita sa iyang all-around game nga dunay 34 puntos, 13 rebounds ug walo ka assists.
“We knew Ginebra will make a run (in the second half) so we reminded the players to stay calm and expect it. That team is too good, too strong, too deep for us to have that kind of lead all throughout," batbat ni TNT coach Chot Reyes.
“When they made their run, we came back because the player got their composure and the rest was our defense," dugang ni Reyes.
Si RR Pogoy miamot og 15 puntos, midugang si Calvin Oftana og 15, samtang mitunol si Rey Nambatac og 10 puntos para sa TNT.
Ang Ginebra gipangulohan ni Soottie Thompson sa iyang 17 puntos.
Puntos matag-usa:
TNT (95) - Hollis-Jefferson 34, Pogoy 15, Oftana 10, Nambatac 10, Williams 8, Khobuntin 8, Erram 5, Aurin 5.
Barangay Ginebra (89) - Brownlee 28, Thompson 17, Abarrientos 13, Holt 9, J. Aguilar 9, Rosario 8, Gray 3, Malonzo 2. / RSC