GIDID-AN sa kagamhanan sa China si kanhi senador Francis Tolentino sa pagsulod sa Chinese mainland, Hong Kong ug Macao.
Sa usa ka pahayag, ang foreign ministry spokesperson miingon nga midesisyon ang China nga ipahamtang ang mga silot kang Tolentino tungod sa iyang grabe nga pagsaway sa mga isyu nga may kalabotan sa China.
“The Chinese government is firmly resolved to defend national sovereignty, security, and development interests. China decides to impose sanctions on former Philippines senator Francis Tolentino for his egregious conduct on China-related issues and prohibit him from entering the Chinese mainland, Hong Kong and Macao,” matud sa tigpamaba sa foreign ministry.
Sa iyang tubag, si Tolentino miingon nga iyang giila ang mga silot nga gipahamtang batok kaniya sa China, nga naghulagway niini nga usa ka “badge of honor” ug usa ka testamento sa iyang dili matarug nga pasalig sa pagpanalipod sa interes sa nasud ug sa dignidad sa katawhang Pilipino.
Si Tolentino niingon nga walay langyaw nga gahom ang makapahilom niya o makapahuyang sa iyang determinasyon sa pagtuboy sa soberanya sa nasod.
“I stand firmly with the Philippine Navy, the Philippine Coast Guard, and our brave fishermen who depend on these waters for their livelihood,” matud sa kanhi senador. / TPM/SunStar Philippines