Usa ka mayorihiyang torneyo sa billiards ang gipangalan ug gipahinungod ngadto ni Filipino Efren “Bata” Reyes.
Ang World Nineball Tour mianunsyo sa pagkaporma sa Reyes Cup nga gikatakda karong Oktubre 17-20, 2024 sa Manila.
Sa torneyo, nga dumalaon sa Puyat Sports Inc. ug UK-based broadcast network Sky Sports, magparang ang labing maayong mga bilyarista sa Asia ug Europe alang sa labing unang edisyon niini.
Ang Matchroom Sport, nga maoy nagpasiuga sa kompetisyon, mao ang grupo nga nag-organisar sa 1999 World 9-Ball Championship diin makasaysayong mikampyon si Reyes.
Ang kompetisyon sama sa Mosconi Cup diin magdinumbolay ang Team Europe ug Team USA. Si Reyes maoy gikonsiderar nga labing maayong bilyarista sa tibuok kalibutan. / ESL