Gipahinumdoman ni Philippine National Police (PNP) chief General Nicolas Torre III ang kapulisan sa panginahanglan nga mahimong physically fit ug mamentinar ang ideal nga timbang.
Sa usa ka press conference kaniadtong Martes, Hunyo 10, 2025, matod ni PNP spokesperson Brigadier General Jean Fajardo nga nagpagawas si Torre og direktiba nga nagsubli sa polisiya sa PNP batok sa pagka-overweight o obese.
Matod ni Fajardo nga base sa polisiya sa PNP, ang ang mapakyas sa pagkab-ot sa gipili nga normal nga body mass index (BMI) ug physical fitness test (PFT) posibleng dili mahatagan og promosyon.
Ang requirement sa BMI tipik sa physical fitness program sa PNP sa tinguha nga i-professionalize ang organisasyon.
Ang BMI usa ka sukdanan sa tambok sa lawas base sa gitas-on ug timbang nga magamit sa mga hamtong nga lalaki ug babaye.
Makuha kini pinaagi sa pagbahin sa gibug-aton sa usa ka tawo nga gipahayag sa mga kilo sa iyang gitas-on sa mga metro.
Alang sa kadaghanan sa mga hamtong, ang usa ka ideal nga BMI naglangkob gikan sa 18.5 hangtod 24.9.
Ang sakop nga 25 hangtod 29.9 gikonsiderar nga overweight samtang kadtong adunay 30 pataas gikonsiderar nga obese. / TPM / SunStar Philippines