Ang bag-ong gitudlo nga hepe sa Philippine National Police (PNP) nga si General Nicolas Torre III nisaad nga ang gipakusog nga kampanya sa puwersa sa kapulisan batok sa ilegal nga drugas ipahigayon uban sa estriktong pagsunod sa legal nga mga sumbanan ug due process.
Sa usa ka pahayag, giklaro ni Torre nga ang iyang mando alang sa mga opisyal sa kapulisan nga mohimo og dugang nga mga pagdakop isip kabahin sa kampanya batok sa druga dili usa ka lumba sa mga numero, kondili usa ka panawagan alang sa mas dako nga kakugi, kaepektibo, ug pagsunod sa balaod sa trabaho sa kapulisan.
“We are not encouraging illegal shortcuts, nor are we measuring success solely by the number of arrests. What we are advocating for is genuine, lawful action. Everything we do is within the ambit of the law,” matod ni Torre.
“If you believe in your case, go to the prosecutor, raise your hand to the judge, and present your evidence. That’s the only way to prove you’re a good police officer — arrest the criminal, follow due process, and let the courts decide,” dugang niya.
Siya niingon nga padayon nga gibansay ang mga police personnel ug gipahinumdoman sa pagpahigayon sa operasyon nga adunay labing
taas nga propesyonalismo, pagtahod sa tawhanong katungod, ug pagsunod sa standard procedures, lakip ang non-lethal tactics ug ang tawhanong pagtratar sa mga tawo nga gihikawan sa kagawasan.
Human sa iyang paglingkod sa katungdanan niadtong Lunes, Hunyo 2, niingon si Torre nga ang gidaghanon sa mga pagdakop nga may kalabutan sa ilegal nga drugas magsilbing bag-ong sukdanan sa performance alang sa organisasyon.
“Paramihan ng huli,” matod ni Torre niadtong Lunes.
Apan ang maong pamahayag nakamugna og kabalaka sa Commission on Human Rights (CHR) nga niingon nga ang mando ni Torre mahimong mosangpot sa pag-abuso.
Gipahinumdoman sa CHR ang mga awtoridad nga ang pagpasiugda sa gidaghanon sa mga pagdakop isip usa ka performance metric mahimong
mopugos sa mga opisyal sa pag-prioritize sa quantity kaysa quality.
“Historically, such frameworks have risked incentivizing shortcuts, abusive, or arbitrary practices, which undermine human rights and erode public trust in law enforcement,” matod sa CHR.
Gidawat ni Torre ang pahinumdom sa CHR samtang gipasaligan niya sila, ingon man ang publiko, nga ang due process nagpabilin nga sentro sa among kampanya batok sa droga. / TPM / SunStar Philippines