Aron mahimong aktibong kaabag sa pagpanalipod sa kabilin ug kasaysayan sa dakbayan, gihulma sa usa ka grupo sa mga tour guides ug heritage advocates ang Cebu Heritage Action Group (CHAG) human sa tulo ka adlaw nga Basic Conservation Training Workshop niadtong Agusto 12-14, 2026.
Gipahigayon ang maong pagbansay pinaagi sa pakigtambayayong sa Cultural and Historical Affairs Office (CHAO) ni Atty. Bryner L. Diaz, human nagpakita og intensyon si Al Cuizon, Presidente sa FLAGG, nga mopahigayon og volunteer clean-up sa mga public places sa siyudad.
Subay niini, ang mga nakatapos sa training gipahimutang isip unang opisyal sa CHAG:
Presidente: Balbino P. Guerrero Jr.
Bise Presidente: Ronald A. Ouano
Kalihim : Grachelle P. Ladaga
Mamahandi: Maricone Froster B. Pangatungan
Auditor: Kimberly R. Delos Reyes
Mga gimbuhaton sa CHAG mao ang pagpahigayon og volunteer clean-up drives, pag-atiman sa mga dapit, dokumentasyon, ug pagpalambo sa bahin sa kabilin sa Sugbo.
“We are not just tour guides telling stories about Cebu’s heritage. Through CHAG, we want to become active stewards of the heritage we tell those stories about.” / Tampo sa gikan Cebu Heritage Action Group (CHAG)